Լավրովն օգոստոսին հնարավոր է այցելի Պարսից ծոցի տարածաշրջան
Ռուսաստանի արտաքին գործերի նախարար Սերգեյ Լավրովը հնարավոր է օգոստոսին այցելի Պարսից ծոցի տարածաշրջան: Այդ մասին «Ռիա-նովոստի»-ին տեղեկացրել է ՌԴ ԱԳՆ-ում աղբյուրը:
«Նախապատրաստվում է ՌԴ ԱԳ նախարարի այցը Պարսից ծոցի տարածաշրջան, որը հնարավոր է տեղի ունենա մինչ այս ամսվա վերջ»,- ասել է գործակալության զրուցակիցը:
Ամռանը Պարսից ծոցի երկրների հարաբերությունները կտրուկ սրվել են: Սաուդյան Արաբիան, ԱՄԷ-ն, Բահրեյնը և նրանց աջակցող Եգիպտոսը հունիսի սկզբներին խզել են դիվանագիտական հարաբերությունները Կատարի հետ և դադարեցրել պաշտոնական Դոհայի հետ բոլոր կապերը՝ վերջինիս մեղադրելով ահաբեկչությանն աջակցելու ու իրենց ներքին գործերին միջատելու մեջ:
