ԱՄՆ-ի Հետաքննությունների դաշնային բյուրոյի նոր ղեկավարը երդում տվեց
ԱՄՆ-ի արդարդատության նախարար, գլխավոր դատախազ Ջեֆ Սեշնսի ներկայությամբ օգոստոսի 7-ին կայացել է Հետաքննությունների դաշնային բյուրոյի նոր տնօրեն Քրիսթոֆեր Ռեյը երդմնակալության արարողությունը: Այդ մասին հայտնել է արդարադատության նախարարության մամուլի ծառայությունը:
Ռեյի թեկնածությունը որը ՀԴԲ-ի տնօրենի պաշտոնում նախագահ Դոնալդ Թրամփի կողմից առաջադրվել էր հունիսի 7-ին, հաստատվել էր Կոնգրեսի վերին պալատի անդամների 92 ձայներով՝ ընդդեմ 5-ի: Այդ քվեարկությունը կայացել է օգոստոսի 1-ին:
Ռեյը իրավաբանական կրթություն է ստացել Ելի համալսարանում, 2003-2005 թվականներին զբաղեցրել է ԱՄՆ-ի արդարադատության նախարարի, գլխավոր դատախազի քրեական գործերով օգնականի պաշտոնը: Մինչեւ վերջին ժամանակներս նա King&Spalding իրավաբանական ֆիրմայի գործընկերն էր, հաղորդել է ՏԱՍՍ-ը: