ԱՄՆ-ի հետ հարաբերությունների նորմալացման համար Մոսկվան անում է ամեն հնարավորը. ՌԴ ԱԳՆ
Չնայած ԱՄՆ-ում ՌԴ դեմ պատժամիջոցների կիրառմանը՝ Մոսկվան անում է ամեն հնարավորը, որպեսզի նորմալացնի Վաշինգտոնի հետ երկկողմանի հարաբերությունները: Այս մասին տեղեկացնում է «ՌԻԱ Նովոստի»-ն՝ փոխանցելով ՌԴ ԱԳՆ հայտարարությունը:
«Քաջ հայտնի է, որ Ռուսաստանի Դաշնությունն արել և անում է ամեն հնարավորը, որպեսզի նորմալացնի երկկողմ հարաբերությունները, զարգացնի կապերը և համագործակցությունը ԱՄՆ-ի հետ: Համաշխարհային հիմնախնդիրները արդյունավետ կարելի է լուծել միայն համատեղ: Վստահ ենք, որ երկրագնդի մարդկանց մեծամասնությունը կիսում է այդպիսի մոտեցումը», – ասվում է հայտարարության մեջ:
Ավելի վաղ ԱՄՆ-ի Կոնգրեսի Սենատը հուլիսի 27-ին հավանություն էր տվել այն օրինագծին, որը նախատեսում Է ամերիկյան պատժամիջոցների խստացում Ռուսաստանի, Իրանի եւ ԿԺԴՀ-ի նկատմամբ: Օրինագծի ընդունման օգտին տրվել Է 98 ձայն:
