«Եթե նախագահ Թրամփը ցանկանում է գոլֆ խաղալ իր մտերիմ պարոն Պուտինի հետ, ապա Կոնգրեսը պարոն Պուտինին մտադիր է պատժել». Էնգել
Ռուսաստանն, Իրանը եւ Հյուսիսային Կորեան Կոնգրեսից կոշտ ազդակ ստացան: Այս մասին հաղորդում է «Ամերիկայի ձայնը»:
«Այս երեք երկրների վարչակարգերը սպառնում են ԱՄՆ-ի կենսական շահերին եւ ապակայունացնում հարեւաններին»,- նշում է Կոնգրեսի արտաքին հարաբերությունների հանձնաժողովի ղեկավար Էդ Ռոյսը:
Երեք պետությունների դեմ տնտեսական եւ դիվանագիտական պատժամիջոցներ սահմանելուց բացի, օրինագիծը նախազգուշացում է նաեւ նախագահ Թրամփին:
«Եթե նախագահ Թրամփը ցանկանում է գոլֆ խաղալ իր մտերիմ պրն. Պուտինի հետ, ապա Կոնգրեսը պրն. Պուտինին մտադիր է պատժել»,- նշում է արտաքին հարաբերությունների հանձնաժողովի անդամ, ընդդիմադիր դեմոկրատ Էլիոտ Էնգելը:
Ռուսաստանի եւ նախագահ Թրամփի թիմի միջեւ հնարավոր կապերի հետաքննության համատեքստում Կոնգրեսի այս որոշումը հազվադեպ քայլ է:
«Սրանով սահմանափակում է դրվում նախագահ Թրամփի վրա, իսկ ոչ մի նախագահ չի ցանկանում զրկվել պատժամիջոցներ հանելու իրավունքից», – ասում է Վուդրո Վիլսոնի Կենտրոնի վերլուծաբան Ուիլիամ Պոմերանցը:
Վերլուծաբանների կարծիքով, Կոնգրեսի որոշումը զրկում է Միացյալ Նահանգներին դիվանագիտական ճկունությունից:
«Օրենքի ուժ ստացած պատժամիջոցների արդյունավետությունը նվազում է», – ասում է Բրուքինգզ հաստատության վերլուծաբան Սթիվ Փֆայֆերը:
