Օձեր են հայտնաբերվել
Հուլիսի 26-ին, ժամը 23:26-ին ահազանգ է ստացվել, որ Արագածոտնի մարզի Աշտարակ քաղաքի Մուղնի թաղամասի 6-րդ փողոցի տներից մեկի բակում նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել մեկ մարտական հաշվարկ: Փրկարարները հայտնաբերել են գյուրզա տեսակի օձ և տեղափոխել անվտանգ տարածք:
Հուլիսի 26-ին, ժամը 19:00-ին ահազանգ է ստացվել, որ Շիրակի մարզի Մայիսյան գյուղի 15 փողոցի տներից մեկի նախամուտքում նկատվել է օձ, որին բռնելու և անվտանգ տարածք տեղափոխելու համար արհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Փրկարարները հայտնաբերել են սահնօձ տեսակի սողուն և տեղափոխել անվտանգ տարածք:
Հուլիսի 26-ին, ժամը 18:54-ին ահազանգ է ստացվել, որ Երևան քաղաքի Դավիթաշեն 7-րդ փողոցի տներից մեկում նկատվել է օձ, որին դուրս բերելու և անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Փրկարարները հայտնաբերել են իժ տեսակի օձ և տեղափոխել անվտանգ տարածք:
