Չինաստանում հեղեղումների պատճառով շուրջ երեք հազար մարդ է տարհանվել
Չինաստանի Շենսի նահանգի իշխանությունները ուժեղ հեղեղումների պատճառով տարհանել են Յույլին քաղաքի 2900 բնակչի: Այս մասին հայտնում է «ՌԻԱ Նովոստի»-ն:
Քաղաքում օրեր շարունակ չեն դադարում հորդառատ անձրևները, օդերևութաբանական ծառայություններն արդեն երեք անգամ հայտարարել են վտանգի ամենաբարձր՝ կարմիր մակարդակի մասին:
Յույլինի փողոցներն ամբողջությամբ հեղեղված են, մեքենաները մնացել են ջրերի մեջ: Մարդիկ կարողանում են տեղաշարժվել լողալու միջոցով:
