ԵԱՏՄ-ն և Չիլին քննարկում են ազատ առևտրի գոտու ստեղծման համաձայնագրի ստորագրումը
Եվրասիական տնտեսական հանձնաժողովի առևտրի հարցերով նախարար Վերոնիկա Նիկիշինան և Չիլիի առևտրի նախարարի տեղակալ Պաուլինա Նասալը քննարկել են Եվրասիական տնտեսական միության անդամ-պետությունների և Չիլիի միջև առևտրատնտեսական համագործակցության զարգացման, այդ թվում՝ ազատ առևտրի գոտու համաձայնագրի ստորագրման հնարավորությունները: Ինչպես տեղեկացրին ԵՏՀ մամուլի ծառայությունից, հանդիպումը տեղի է ունեցել հուլիսի 25-ին՝ Մոսկվայում:
Զրուցակիցներն ընդգծել են Չիլիի ակտիվ դիրքորոշումը ազատ առևտրի գոտու համաձայնագրի ստորագրման հարցում: Այժմ երկիրն ունի նման 28 համաձայնագիր:
Հանդիպման արդյունքներով պայմանավորվածություն է ձեռք բերվել շարունակել փոխգործակցությունը հարցերի լայն շրջանակի, այդ թվում՝ ազատ առևտրի գոտու ստեղծման հնարավորությունների գնահատման շուրջ:
