Ադրբեջանում զգալիորեն ավելացել են հղիության արհեստական ընդհատման դեպքերը
Ադրբեջանի վիճակագրության պետական կոմիտեն հղիությունն արհեստական ընդհատած կանանց թվաքանակի և տարիքային խմբերի վերաբերյալ զեկույց է հրապարակել: Այս մասին հայտնում է ադրբեջանական gununsesi.info-ն:
Վիճակագրության կոմիտեի զեկույցի համաձայն` 2016-ին հղիությունը ընդհատած կանանց ընդհանուր թիվը կազմել է 34 հազար 569, որից 20 հազար 323-ը եղել են 15-ից 29 տարեկան:
2016-ին Ադրբեջանում հղիությունն ընդհատել է 15-ից 17 տարեկան 19, 18-ից 19 տարեկան 1242, 20-ից 24 տարեկան 7 հազար 773, 25-ից 29 տարեկան 11 հազար 289 կին: 2015-ին Ադրբեջանում հղիությունն ընդհատել էր 15-ից 17 տարեկան 50, 18-ից 19 ըարեկան 1425, 20-ից 24 տարեկան 5 հազար 983 կին:
