Զվարթնոց օդանավակայանում դիմավորեցին FIRST Global ռոբոտաշինության օլիմպիական խաղերի բրոնզը նվաճած ԹՈՒՄՈ-ի թիմին
Զվարթնոց օդանավակայանում մեծ շուքով դիմավորեցին FIRST Global ռոբոտաշինության օլիմպիական խաղերի բրոնզը նվաճած՝ ԹՈՒՄՈ-ի թիմին:
Ինչպես արդեն տեղեկացրել ենք, Հայաստանը ներկայացնող թումոցիների թիմը գրավեց երրորդ տեղը և արժանացավ բրոնզե մեդալի Վաշինգտոնում կայացած FIRST Global ռոբոտաշինության միջազգային օլիմպիական խաղերում, որոնց մասնակցում էին թիմեր աշխարհի 163 երկրներից։
Մրցույթի շրջանակներում արտակարգ արդյունքներ ցուցաբերելով՝ Թումոյի պատանիները հայտնվեցին առաջատարների թվում և մրցունակ պայքարում գրավեցին երրորդ տեղը՝ զիջելով Եվրոպայի հավաքական թիմին և Լեհաստանի թիմին։
Թիմի անդամներն են 14-18 տարեկան թումոցիներ Լևոն Բալագյոզյանը, Մարիա Տեր-Մինասյանը, Դավիթ Հովհաննիսյանը, Տիգրան Կիրակոսյանը, Արամ Մադանցյանը, Լիլիթ և Աշոտ Թառումյանները և նրանց ղեկավար, ԹՈւՄՈ-ի ռոբոտաշինության դասընթացավար Հայկ Ոսկանյանը։
Սիրարփի Աղաբաբյան
