Կարեն Կարապետյանը դատապարտեց բնական ռեսուրսների առանց թույլտվության օգտագործումը
Այսօր կառավարության նիստի սկզբում ՀՀ վարչապետ Կարեն Կարապետյանը դատապարտեց բնական ռեսուրսների առանց թույլտվության օգտագործումը: Ըստ նրա` բնական ռեսուրսների՝ առանց թույլտվության կա սահմանված չափաքանակներիի ավելի օգտագործման համար գործող պատժամիջոցների անհամաչափ խստության հետևանքով նման իրավախախտումները չեն կանխարգելվում և որոշ դեպքերում կրում են շարունակական բնույթ:
«Առանց թույլտվության կամ սահմանված չափաքանակներից ավելի ռեսուրսների օգտագործումն անհավասար մրցակցային պայմաններ է ստեղծում ռեսուրս օգտագործողների միջև»,- ասաց Կ.Կարապտյանը` բնապահպանության նախարարին հանձնարարելով երկամսյա ժամկետում մշակել և կառավարության աշխատակազմ ներկայացնել առաջարկությունների փաթեթ՝ բնական ռեսուրսների առանց թույլտվության կամ սահմանված չափաքանակից ավելի օգտագործման խնդրին կանոնակարգման վերաբերյալ:
«Ներառյալ պետք է մշակվի ոլորտի խնդիրների հստակեցմանն ուղղված օրենսդրական փաթեթ»,- հավելեց վարչապետը:
