Տաքսու վարորդը Երևանում Գերմանիայի դեսպանի հատուկ հյուրն էր
Այսօր Հայաստանում Գերմանիայի արտակարգ և լիազոր դեսպան Մաթիաս Քիսլերի հատուկ հյուրն էր երեւանցի տաքսու վարորդ Սուրեն Սողոյանը։
ՀՀ-ում Գերմանիայի դեսպանատան Facebook–ի էջի հաղորդագրության համաձայն, տաքսու վարորդն իր մեքենայում գտել էր դեսպանի անձնական բջջային հեռախոսը և այն տարել դեսպանություն։
«Դեսպան Քիսլերն անչափ ուրախացավ այդ մեծ անակնկալի համար և սրտանց շնորհակալություն հայտնեց պարոն Սողոյանին»,– ասված է հաղորդագրության մեջ։
