«Ակնհայտ է, որ Բոնուչին տեղափոխվեց «Միլան» Ալեգրիի հետ ունեցած կոնֆլիկտի պատճառով»
«Յուվենթուսի» նախկին գլխավոր տնօրեն Լուչանո Մոջին մեկնաբանել է թուրինցիների պաշտպան Լեոնարդո Բոնուչիի տեղափոխությունը «Միլան»: Ըստ նրա կարծիքի, իտալացու՝ ակումբից հեռանալու գլխավոր պատճառը եղել է թիմի գլխավոր մարզիչ Մասիմիլիանո Ալեգրիի հետ ունեցած կոնֆլիկտը:
«Սա գերազանց ձեռքբերում էր «Միլանի» համար, չէ՞ որ հիմա Լեոնարդոն Իտալիայի լավագույն պաշտպանն է: Ակնհայտ է, որ նրա և Ալեգրիի միջև ինչ-որ բան է պատահել: Բայց նույնիսկ այդ դեպքում ես չէի վաճառի Բոնուչիին մրցակցին:
Ես կասեի ֆուտբոլիստին, որ նա կարող է գնալ արտասահման կամ մնալ: Ամեն դեպքում, սա լուրջ ուժեղացնում է «Միլանին»,- Մոջիին է մեջբերում Tuttomercatoweb-ը:
Պատրաստեց Անի Գաբուզյանը
