Թուրքիայում կրկին պրոֆեսորների են ձերբակալել
Ստամբուլի հանրապետական դատախազության կողմից գյուլենականների դեմ իրականացվող հետաքննության շրջանակում Բողազիչիի համալսարանի և Ստամբուլի Medeniyet համալսարանի աշխատակազմից 72 անձի, այդ թվում 20 պրոֆեսորի ձերբակալելու մասին որոշում է ընդունվել: Այս մասին հայտնում է թուրքական «Հուրիեթ»-ը:
Այս պահի դրությամբ ձերբակալված են 47-ը:
Գյուլենականներն ու նրանց առաջնորդ չափավոր իսլամի քարոզիչ Ֆեթուլլահ Գյուլենը մեղադրվում են Թուրքիայում 2016 թվականի հուլիսի 15-ին տեղի ունեցած ռազմական հեղաշրջման փորձն իրականացնելու մեջ:
Գյուլենը, սակայն, ի սկզբանե հերքել է մասնակցությունը կատարվածին: Նա կատարվածի կազմակերպիչ է հայտարարել Թուրքիայի նախագահ Ռեջեփ Թայիփ Էրդողանին, ով այդպիսով փորձել է ամրապնդել իշխանությունը:
