Հայտնի են լողափնյա վոլեյբոլի Հայաստանի չեմպիոնները
Երևանի Գրանդ-Սպորտ մարզահամալիրում ավարտվեց Հայաստանի կանանց և տղամարդկանց լողափնյա վոլեյբոլի առաջնությունը։
Տղամարդկանց 3-4 տեղերի համար մրցեցին Աջափնյակի և ՀԷՑ-ի թիմերը, 2:1 հաշվով հաղթեց Աջափնյակի թիմը։ Աղջիկների մոտ 3-4 տեղերի համար մրցեցին ԽՄՕՄՄ-2 և «Նժդեհ» թիմերը, 2:1 հաշվով հաղթեց «Նժդեհ»-ը։ Աղջիկների եզրափակիչ խաղում հանդիպեցին ԵՊԼՀ և ԽՄՕՄՄ թիմերը` 2:0 հաշվով հաղթեց ԽՄՕՄՄ-ը։
Տղամարդկանց չեմպիոն է դարձել Արման Միսկարյան և Ռազմիկ Հակոբյան զույգը (ՀՀ պատանեկան հավաքական Մ 18): Երկրորդ եւ երրորդ մրցանակակիրներ դարձել են, համապատասխանաբար, Հայաստանի երիտասարդական հավաքականը եւ Աջափնյակի թիմը:
