Փրկարարները մեկնել են Ռոբերտ Աբաջյանի անվան թիվ 147 հիմնական դպրոց
Հուլիսի 8-ին, ժամը 10:15-ին ահազանգ է ստացվել, որ Երևան քաղաքի Ուլնեցու փողոցի թիվ 1 հասցեում գտնվող Ռոբերտ Աբաջյանի անվան թիվ 147 հիմնական դպրոցի շենքի տանիքից թիթեղը քամու հետևանքով պոկվել և կախվել է, առկա է ընկնելու վտանգ. անհրաժեշտ է փրկարարների օգնությունը:
Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Փրկարարներն ամրացրել են տանիքի թիթեղյա կառուցատարրը (մոտ 0.5 քմ):
