Վթարի ենթարկված տղամարդը վերակենդանացման բաժանմունքում մահացել է
Հունիսի 24-ին, ժամը 23.40-ի սահմաններում, Երևան-Երասխ ճանապարհի 12-րդ կմ-ին իրար են բախվել «ԲՄՎ-316» և «Օպել Օմեգա» մակնիշի ավտոմեքենաներ: Պատահարի հետևանքով «ԲՄՎ-316»-ի վարորդը և 3 ուղևորները մարմնական վնասվածքներով տեղափոխվել են հիվանդանոց: Հուլիսի 6-ին, ժամը 6.30-ին, հիվանդանոցի վերակենդանացման բաժանմունքում, «ԲՄՎ-316»-ի վարորդը՝ 1947 թ. ծնված Աղասի Մխիթարյանը, մահացել է: Կատարվում է քննություն:
