Խոշոր հրդեհ Երևանի կենտրոնում. հայտարարվել է հրդեհի բարդության ԲԻՍ-1 աստիճան
Հուլիսի 7-ին, ժամը 00:45-ին ահազանգ է ստացվել, որ Երևան քաղաքի Խորենացու փողոցի թիվ 217 հասցեում գտնվող տներից մեկում հրդեհ է բռնկվել: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր են մեկնել Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը և հոգեբանական աջակցության բաժնի հրահանգիչը: Ժամը 00:51-ին հայտարարվել է հրդեհի բարդության ԲԻՍ-1 աստիճան:
Պարզվել է, որ այրվում են Խորենացու փողոցի թիվ 219/1 և 219/2 հասցեներում գտնվող տների տանիքները: Հրդեհը մեկուսացվել է ժամը 01:24-ին, մարվել՝ 01:53-ին: Պարզվել է, որ հրդեհը բռնկվել է թիվ 219/2, թիվ 219/21 և թիվ 219/1 տներում: Ամբողջությամբ այրվել է թիվ 219/1 տունը` գույքով (մոտ 80 քմ), թիվ 219/2 և թիվ 219/21 տների տանիքների փայտյա կառուցատարրերը (համապ.` 60 և 50 քմ):
