Կողբ գյուղում այրվածքներով կնոջ դիակ է հայտնաբերվել
Հուլիսի 4-ին, ժամը 12.00-ին, հիվանդանոցից ոստիկանության Նոյեմբերյանի բաժնում հաղորդում է ստացվել, որ կանչով մեկնել են Կողբ գյուղ, որտեղ 1921 թ. ծնված Իսկուհի Հարությունյանին հայտնաբերել են մահացած վիճակում:
Մեկնած օպերատիվ խումբը պարզել է, որ հուլիսի 4-ին, ժամը 11.00-ի սահմաններում, Ի.Հարությունյանի հարևանը վերջինիս տնամերձ հողամասում նկատել է, որ հրդեհ է բռնկվել, գնացել և հողամասի վառված հատվածում հայտնաբերել է Իսկուհի Հարությունյանի դիակը:
Արտաքին զննությամբ դիակի վրա հայտնաբերվել են այրվածքներ:
Նշանակվել է ԴԲՓ: Կատարվում է հետաքննություն:
