Կարմիր խաչի միջազգային կոմիտեի ներկայացուցիչներն Ադրբեջանում այցելել են հայ գերուն
Կարմիր խաչի միջազգային կոմիտեի Բաքվի գրասենյակի ներկայացուցիչներն այցելել են Ադրբեջանում գերության մեջ պահվող ՀՀ քաղաքացի Զավեն Կարապետյանին:
Ինչպես «Արմենպրես»-ին տեղեկացրեց ԿԽՄԿ երևանյան պատվիրակության հաղորդակցության ծրագրերի ղեկավար Զառա Ամատունին, այցելությունը կայացել է հուլիսի 1-ին:
1974 թվականին ծնված Զավեն Կարապետյանն Ադրբեջանում է հայտնվել հունիսի 20-ի երեկոյան՝ հատելով հայ-ադրբեջանական սահմանը: Նա ունի մտավոր խնդիրներ, նախկինում եղել է մանկատան սան:
