«Ես արդեն կողմնորոշվել եմ ապագայիս հարցում». Ալեքսիս Սանչես
«Արսենալի» և Չիլիի հավաքականի հարձակվող Ալեքսիս Սանչեսն արդեն գիտի, թե որտեղ է շարունակելու կարիերան, բայց լռում է:
«Հիմա ես կենտրոնացած եմ Կոնֆեդերացիաների գավաթի վրա: Հետո մենք կտեսնենք՝ կմնա՞մ ես «Արսենալում», թե՞ կգնամ: Այո՛, ես արդեն կողմնորոշվել եմ ապագայիս հարցում, բայց ոչինչ չեմ կարող ասել»,- Սանչեսի խոսքերն է մեջբերում Goal.com-ը:
Ալեքսիսի նկատմամբ հետաքրքրություն են ցուցաբերում «Չելսին», «Մանչեսթեր Սիթին», «Բավարիան» և ուրիշներ: «Արսենալը» պատրաստ է 28-ամյա ֆուտբոլիստին բարելավված պայմաններով համաձայնագիր առաջարկել: Ավելի վաղ չիլիացի երկրպագուները Սանչեսին կոչ էին անում հեռանալ «Արսենալից»:
Պատրաստեց Անի Գաբուզյանը
