ՀՀ են տեղափոխվել հետախուզվող քաղաքացիներ
Ոստիկանության քրեական հետախուզության գլխավոր վարչության ծառայողները Դոնի-Ռոստով-Երևան չվերթի ինքնաթիռով ՀՀ են տեղափոխել 1989 թ. ծնված Նարեկ Հ.-ին, որը 2016 թ. հուլիսի 19-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 266 հոդվածի (թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) 1-ին մասի մեղադրանքով:
Ոստիկանության քրեական հետախուզության գլխավոր վարչության ծառայողները Մարսել-Փարիզ-Մոսկվա-Երևան չվերթի ինքնաթիռով ՀՀ է տեղափոխվել 1986 թ. ծնված Հմայակ Հ.-ն, որը 2014 թ. մարտի 1-ից Նոր Նորքի բաժնի կողմից հետախուզվում էր ՀՀ քրեական օրենսգրքի 215 հոդվածի 1-ին մասի և 266 հոդվածի 3-րդ մասի 2-րդ կետի մեղադրանքներով:
