Չեմպիոնների լիգայում կփոփոխվեն ¼ և ½ եզրափակիչների օրերը
ՈՒԵՖԱ-ն որոշել է փոփոխել Չեմպիոնների լիգայի ¼ և ½ եզրափակիչների անցկացման օրերը: Այս մասին հաղորդում է France Football-ը:
Ինչպես գիտենք, Չեմպիոնների լիգայի խաղարկության խմբային փուլի և փլեյ-օֆֆի բոլոր հանդիպումները կայանում են երեքշաբթի և չորեքշաբթի օրերին, սակայն 2021 թվականից Չեմպիոնների լիգայի 1/4 և 1/2 եզրափակչի հանդիպումները կկայանան հանգստյան օրերին:
Աղբյուրը նշում է, որ ՈՒԵՖԱ-ն որոշել է նման քայլի գնալ, որպեսզի ավելացնի հեռուստատեսության միջոցով աշխատած գումարի չափը: ՈՒԵՖԱ-ում կարծում են, որ հանգստյան օրերին այդ կարևոր փուլերի հանդիպումները կդիտի 2 անգամ ավելի շատ մարդ:
Սիրարփի Աղաբաբյան
