Ինչ է սոցփաթեթը և ինչպես դառնալ շահառու

Dialogue.am-ը իր «Սոցիալական իրավունք» շարքում այս անգամ անդրադառնում է ՍՈՑԻԱԼԱԿԱՆ ՓԱԹԵԹԻՆ՝ հանգամանորեն ներկայացնելով, թե ինչ ընդգրկում ունի պետական այս ծրագրի շահառուների շարջանակն ու փաթեթի իրացման ուղղությունները|:

Ինչ է իրենից ներկայացնում սոցիալական փաթեթը, ինչ ծառայություններ է ներառում իր մեջ և ովքեր դրա շահառուները:

Սոցիալական փաթեթը պետական աջակցության ծրագիր է, որն ուղղված է ՀՀ պետական մարմիններում, ինչպես նաև կրթության, մշակույթի, գիտության ու սոցիալական պաշտպանության ոլորտների ՊՈԱԿ-ներում աշխատողների ու նրանց ընտանիքի անդամների առողջական, կրթական և այլ սոցիալական խնդիրների ապահավմանը> նպատակը՝ կարիքների բարելավումն է, աշխատանքի արդյունավետությանը նպաստելը:

ՈՒՇԱԴՐՈՒԹՅՈՒՆ. փաթեթի շրջանակներում շահառուի ընտանիքի անդամներ են համարվում պետական կառույցում աշխատողի ամուսինը, մինչև 27 տարեկան երեխաները:

Սոցփաթեթի շրջանակներում յուրաքանչյուր աշխատակցի հատկացվում է գումար, որն անկանխիկ է և փոխանցվում է աշխատողի անվամբ` հատուկ այդ նպատակով բանկում բացված հաշվին:

Յուրաքանչյուր աշխատակցին սոցփաթեթով նախատեսված գումարը հաշվվում է ամսեկան 11 հազար դրամ. տարեկան կտրվածքով այն կազմում է 132.000 ՀՀ դրամ:

Սոցիալական փաթեթը ներառում է հետևյալ ծառայությունները`

1. Առողջապահական փաթեթ` բժշկական օգնության, սպասարկում ու ֆինանսավորում

2. Հիփոթեքային վարկի ամսական վճարի մարում

3. Ուսման վճար` ԿԳՆ կողմից հաստատված ուսումնական ծրագրերով,

4. Հանգստի ապահովում ՀՀ –ում և ԼՂՀ-ում

Այս ծառայություններից աշխատողը կարող է օգտվել իր հայեցողությամբ` բացառությամբ առողջապահական բաղադրիչից, քանի որ բուժծառայություներից օգտվելը (սպասարկվելը) պարտադիր պայման է ու դրա արժեքը տարեկան կազմում է 52.000 դրամ, որը նախատեսված փաթեթի մի մասն է:

Թե կոնկրետ ինչ ուղղություններով և նպատակներով կարող է օգտագործել իր գումարը աշխատակիցը նշված ոլորտներում, կներկայացնենք հաջորդ ու շարունակական հարապարակումներում:

Ովքեր կարող են դառնալ սոցփաթեթի շահառու

Սոցիալական փաթեթն ընդգրկում է շահառուների բավականին լայն շրջանակ, որը հաստատված է Հանրային ծառայության մասին ՀՀ օրենքով, դրանք են՝

Նախագահի աշխատակազմ
Ազգային ժողովի աշխատակազմ
Կառավարության աշխատակազմ
Սահմանադրական դատարանի աշխատակազմ
Նախարարությունների աշխատակազմ
Կառավարությանն առընթեր պետական կառավարման մարմինների աշխատակազմ
Օրենքներով ստեղծված մշտապես գործող մարմինների (հանձնաժողովների, ծառայությունների, խորհուրդների) աշխատակազմ
Ազգային անվտանգության խորհրդի աշխատակազմ
Դատական դեպարտամենտ
Դատախազության աշխատակազմ Նախարարությունների կառավարման ոլորտում գործող պետական մարմինների աշխատակազմ
Մարզպետարանների աշխատակազմ
ՄԻՊ աշխատակազմ

ՈւՇԱԴՐՈՒԹՅՈՒՆ.

ՀՀ կենտրոնական բանկի, Երևանի քաղաքապետարանի և ՀՀ տեղական ինքնակառավարման մարմինների աշխատակիցները սոցփաթեթի տված արտոնություններից օգտվել չեն կարող:

Բացի պետական մարմիններից սոցիալական փաթեթում ներառված ծառայություններից կարող են օգտվել նաև կրթության, մշակույթի, գիտության և սոցիալական պաշտպանության ոլորտների հետևյալ ՊՈԱԿ-ների աշխատակիցները`

Հանրակրթական և հատուկ հանրակրթական դպրոցներ
Նախնական մասնագիտական ուսումնական հաստատություններ
Գրադարաններ,թանգարաններ
Մշակույթի տներ, կենտրոններ, թատրոններ,համերգային կազմակերպություններ,
Տարեցների և երեխաների տուն-ինտերնատներ
Երեխաների խնամքի, պաշտպանության գիշերօթիկ և ցերեկային կենտրոններ
«Երևանի «Զատիկ» երեխաների աջակցության կենտրոն» ՊՈԱԿ
«Հայաստանի ազգային արխիվ» ՊՈԱԿ
«Մշակութային արժեքների փորձագիտական կենտրոն» ՊՈԱԿ
«Տնային պայմաններում միայնակ տարեցների և հաշմանդամների սոցիալական սպասարկման կենտրոն» ՊՈԱԿ
«Հայաստանի ազգային կինոկենտրոն» ՊՈԱԿ
«Փաստավավերագրական ֆիլմերի «Հայկ» կինոստուդիա» ՊՈԱԿ
«Պատմամշակութային ժառանգության գիտահետազոտական կենտրոն» ՊՈԱԿ
«Հայրենիք-սփյուռք» կենտրոն» ՊՈԱԿ
«Հայաստանի ազգային գրապալատ» ՊՈԱԿ
«Գրքի և հրատարակչական գործի կենտրոն» ՊՈԱԿ
«Երեխաների հատուկ ստեղծագործական կենտրոն» ՊՈԱԿ
«Իրավախախտում կատարած անչափահասների հատուկ ստեղծագործական կենտրոն» ՊՈԱԿ
«Ուսուցման կենտրոն» ՊՈԱԿ
ՀՀ արդարադատության նախարարության «Իրավաբանական ինստիտուտ»ՊՈԱԿ,
«Դատական դպրոց» ՊՈԱԿ
«Դատախազության դպրոց» ՊՈԱԿ
«ՀՀ արտաքին գործերի նախարարության դիվանագիտական դպրոց» ՊՈԱԿ
«ՀՀ կառավարությանն առընթեր պետական եկամուտների կոմիտեի ուսումնական կենտրոն» ՊՈԱԿ
ՀՀ գիտությունների ազգային ակադեմիայի համակարգում ներառված ՊՈԱԿ
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ,
«Հումանիտար ականազերծման և փորձագիտական կենտրոն» ՊՈԱԿ

Ի դեպ, սոցփաթեթի շահառու են համարվում նաև`

ՀՀ գիտությունների ազգային ակադեմիայի աշխատակազմի, Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ) հիմնադրամի հաստիքացուցակով նախատեսված հաստիք զբաղեցնող անձինք:
Ինչպես նաև նրանք, ովքեր չեն աշխատում վերը նշված պետական մարմիններում կամ ՊՈԱԿ-ներում, բայց մշտապես բնակվում են ՀՀ-ում ու ունեն ԽՍՀՄ և ՀՀ ԺՈՂՈՎՐԴԱԿԱՆ պատվավոր կոչմում:
Կարեն Դեմիրճյանի անվան Երևանի մետրոպոլիտենի աշխատողները (բացառությամբ ղեկավար աշխատակազմի (տնօրենի, տնօրենի տեղակալների)
Հայկական ատոմային էլեկտրակայան փակ բաժնետիրական ընկերության այն աշխատակիցներն, ովքեր աշխատում են առանձնապես ծանր կամ առանձնապես վնասակար պայմաններում:

Հարգելի քաղաքացի, եթե շարքում նշված պաշտոններից որևէ մեկում աշխատել եք վերջին 6 ամսվանից պակաս և ունեք մինչև 6 ամսվա աշխատանքային ստաժ, ապա սոցփաթեթի շահառու համարվել չեք կարող:

Սոցիալական փաթեթից օգտվել չեն կարող նաև..

Օրենքի այս դրույթը չի տարածվում հղիության և ծննդաբերության նպատակային արձակուրդի, մինչև երեք տարեկան երեխայի խնամքի համար տրամադրվող նպատակային արձակուրդի, կադրերի ռեզերվում աշխատող և պարտադիր ժամկետային զինվորական ծառայությունից վերադարձած անձանց վրա:

Ինչպե՞ս է հատկացվում սոցիալական փաթեթը

Սոցիալական փաթեթի հատկացման համար քաղաքացին պետք է հերթականությամբ անի հետևյալ քայլերը.

Սոցփաթեթից օգտվելու համար աշխատողը նախ բանկում բացում է սոցիալական փաթեթի հաշիվ: Բանկից վերցնում է տեղեկանք և ներկայացնում այն իր աշխատանքի վայրի հաշվապահություն: Այստեղ աշխատակիցը լրացնում է դիմում, որը բանկի կողմից տրված սոցփաթեթի մասին տեղեկանքի հետ միասին ներկայացվում է աշխատավայրի սոցիալական փաթեթի գումարի փոխանցման համար պատասխանատու ստորաբաժանում:

Դիմումի և տեղեկանքի հիման էլ վրա սոցիալական փաթեթի գումարի փոխանցման համար պատասխանատու ստորաբաժանումը տվյալ անձի սոցիալական փաթեթի գումարը փոխանցում է աշխատողի սոցփաթեթի հաշվին:

Պատրաստեցին՝ Զառա Մանուչարյանը և Լաուրա Մամյանը