ՖԻՖԱ-ն կհայտնի լավագույն ֆուտբոլիստի անունը մրցաշրջանի ավարտից հետո
Ինչպես գիտենք, ՖԻՖԱ-ն տարվա լավագույն ֆուտբոլիստի մասին հայտնում էր տարվա ավարտին: Սակայն այժմ ֆուտբոլային կառույցում նշում են, որ լավագույնի The Best կոչումը ֆուտբոլիստներին կհանձնվի մրցաշրջանի ավարտից հետո:
Այս որոշումը ՖԻՖԱ-ում կայացվել է այն բանից հետո, երբ որոշվեց, որ ֆուտբոլային կառույցն ու France Football-ը առանձին են որոշելու լավագույն ֆուտբոլիստին: Որպեսզի այս երկու միջոցառումները չհամընկնեն, ՖԻՖԱ-ն որոշել է տալ իր մրցանակը մի քանի ամիս շուտ:
Ըստ իսպանական մամուլի՝ առաջին The Best-ը կհանձնվի հոկտեմբերի 23-ին:
Սիրարփի Աղաբաբյան
