Louis Vuitton-ի նոր արևապաշտպան ակնոցների հավաքածուն ներկայացրել է Միշել Ուիլյամսը
Louis Vuitton ֆրանսիական նորաձեւության տունը ներկայացրել է նոր տարեշրջանի արեւապաշտպան ակնոցների հավաքածուն: Այս մասին հայտնել է Luxurylaunches-ը:
Շարքում տեղ են գտել Drive եւ Aviator երկու մոդելները՝ տարբեր գույների լինզաներով: Ակնոցներն արդեն հայտնվել են Համացանցում եւ ներկայացվել բրենդի պաշտոնական խանութներում: Դրանց գները տատանվում են 635-ից մինչեւ 665 դոլար:
Գովազդային արշավում նկարահանվել է ամերիացի դերասանուհի Միշել Ուիլյամսը, որը հայտնի է «7 օր ու գիշեր Մերիլինի հետ» ֆիլմից, որտեղ մարմնավորել է Մերիլին Մոնրոյին:
Louis Vuitton ընկերությունը հիմնադրվել է 1854 թվականին Ֆրանսիայում սնդուկների եւ ճամփորդական պայուսակների պատրաստման վարպետ Լուի Վյուիտոնի կողմից: Մասնագիտանում է աքսեսուարների, հագուստի, կոշիկի, ժամացույցների եւ տղամարդկանց ու կանանց համար ոսկերչական զարդերի արտադրության բնագավառում: Ներկայում ընկերությունը LVMH միջազգային հոլդինգի մաս է կազմում:
Մայիսի սկզբին Louis Vuitton-ը թողարկել Է նոր գովազդային արշավ: Դրան մասնակցել Է շվեդ դերասանուհի Ալիսիա Վիկանդերը: Նա պայուսակների մի քանի մոդելներ է ներկայացրել այն հավաքածուից, որն ստեղծվել Է ամենաբարձր վարձատրվող ժամանակակից նկարիչներից մեկի՝ Ջեֆ Կունսոնի կողմից:
Speedy, Keepall եւ Neverfull պայուսակների վրա հատվածներ են վերարտադրված Կունսի աշխատանքների Gazing Ball շարքից, որոնք ստեղծվել են անցյալի մեծ նկարիչների կտավների մոտիվներով:
Ալիսիա Վիկանդերը շվեդ պարուհի է եւ դերասանուհի: Նա «Օսկար» մրցանակի է արժանացել «Դանիացի աղջիկը» կենսագրական դրամայում նկարչուհի Գերդա Վեգեներին մարմնավորելու համար:
