«Հղիությունը լավագույն նվերն էր, որը կարող էր ստանալ Սերենան». Մարիա Շարապովա
Ռուսաստանցի թենիսիստուի Մարիա Շարապովային՝ որակազրկումից հետո, Շտուտգարտի մրցաշարում 7:5, 6:3 հաշվով իտալացի Ռոբերտա Վինչիին հաղթելուց հետո հարցրել են, թե ինչ է նա մտածում Սերենա Ուիլյամսի հղիության մասին:
«Սերենայի հղիությունը լավագույն նվերն է, որ կարող է ցանկացած կին ստանալ: Սա նրա կյանքի գեղեցիկ գլուխներից մեկն է»,- հայտարարել է Շարապովան:
Սերենա Ուիլյամսը վերջին անգամ հանդես է եկել Australian Open-ում, որտեղ հաղթել է: Այժմ թենիսիստուհին գլխավորում է WTA-ի վարկանիշային աղյուսակը: Ապրիլի կեսերին Սերենան հայտարարեց հղիության մասին:
30-ամյա Շարապովան և 35-ամյա Ուիլյամսը կորտում հանդիպել են 21 անգամ:
Վերջին անգամ Շարապովան Սերենային հաղթել է 2004 թվականին: Ուիլյամսը հաղթել է Մարիայի դեմ մյուս 18 հանդիպումները:
Պատրաստեց Անի Գաբուզյանը
