Աճուրդով կվաճառեն Հեմինգուեյի սիրային նամակը Մառլեն Դիտրիխին
Նամակը, որով Էռնեստ Հեմինգուեյը սեր է խոստովանել դերասանուհի Մառլեն Դիտրիխին, դրվել է աճուրդի: Լոտը գնահատվում է 30 հազար դոլար եւ կվաճառվի մայիսի 4-ին Նյու Յորքի Swann աճուրդային սրահում, տեղեկացնում է BBC-ին:
Հեմինգուեյը նամակը Դիտրիխին է ուղարկել 1952 թվականի օգոստոսին Կուբայից, որտեղ այն ժամանակ ապրում էր: Դրանից մեկ տարի առաջ դերասանուհին խոստովանել էր, որ նրա լուսանկարը պահում է սնարին Հեմինգուեյը եւ Դիտրիխը ծանոթացել են 1934 թվականին եւ այդ ժամանակվանից ի վեր կանոնավոր նամակագրական կապ են պահպանել: Ըստ որում գրողը եւ դերասանուհին կապերի մեջ չեն եղել: Նամակում Հեմինգուեյը դա բացատրում է նրանով, որ իրենք դարձել են «ոչ միաժամանակյա կրքի զոհեր»:
Այնուամենայնիվ, ուղերձում նա քանիցս սեր է խոստովանում Դիտրիխին: Մասնավորապես, Հեմինգուեյը գրում է. «Խնդրում եմ, իմացի՛ր, որ ես միշտ սիրում եմ քեզ: Երբեմն ես մոռանում եմ քո մասին, ինչպես մոռանում եմ նաեւ այն, որ սիրտս բաբախում է: Բայց այն բաբախում է միշտ»: Նամակն ստորագրված է. «Սիրով, միստր Պապա»:
Հոլիվուդյան աստղի եւ նոբելյան դափնեկրի նամակագրությունը մասնակիորեն պահվում է արխիվներում, իսկ մասնակիորեն էլ նրանց ժառանգների մոտ: Դիտրիխի թոռները վերջին մի քանի տարում արդեն աճուրդի են հանել գրողից նրա ստացած նամակները:
