«Բավարիա»-«Ռեալ Մադրիդ». Պայքար՝ մինչև վերջին վայրկյանը, Ռամոսը երաշխավորում է

Այսօր երեկոյան 22:45-ին, Չեմպիոնների լիգայի քառորդ եզրափակչում կկայանա ամենասպասված խաղերից մեկը՝ «Բավարիա»-«Ռեալ Մադրիդ»:

Չեմպիոնների լիգայում արդեն դասական դիմակայություն, որը նաև ամենասպասված խաղն է: Այս դիմակայությունում մի փոքր առավելություն ունի «Բավարիան», քանի որ թիմը հրաշալի է խաղում, շատ է խփում և շատ քիչ է բաց թողնում: Լևանդովսկին Չեմպիոնների լիգայում ամենաշատ գոլեր հեղինակող ֆուտբոլիստներից է, Դուգլաս Կոստան լավն է, ինչպես երբևէ, իսկ եթե Ռոբենը վնասվածք չունենա, Մարսելոն ստիպված կլինի մոռանալ հարձակման մասին: Մաթս Հյումմելսի պաշտպանական գիծը գրեթե երբեք չի սխալվում այս մրցաշրջանում, սակայն անսպասելի վնասվածքը կխանգարի ֆուտբոլիստին մասնակցել հանդիպմանը, իսկ դե Նոյերը՝ Նոյերն է. այստեղ մեկնաբանություններն ավելորդ են: Կարլո Անչելոտին այս համակարգի գլխավերևում իսկական փորձություն է Զինեդին Զիդանի համար:

Այս դիմակայության ընթացքում աշակերտը ցույց կտա ուսուցչին, թե ինչ է սովորել նրանից՝ մադրիդցիների գլխավոր մարզիչը լինելու ժամանակ: Զիդանը դեռ երկու խաղով չէր հանդիպել նման թոփ-մրցակցի, այնպես որ, եթե նա ցանկանում է անցնել հաջորդ փուլ, պետք է ինչ-որ նոր բան մտածի: Առաջին հերթին՝ պետք է ուշադրություն դարձնել պաշտպանության աջ թևին, քանի որ, եթե Բեյլը չօգնի պաշտպաններին, ապա Ռիբերիի կամ Կոստայի գրոհներին Պեպեն կամ Վարանը դժվար թե կարողանան դիմակայել ամբողջ խաղի ընթացքում: Դանի Կարվախալը, ամենայն հավանականությամբ, կփակի Ալաբային և չի կարողանա օգնել կենտրոնական պաշտպաններին: Վիդալի ներկայությունը գործողությունների ազատություն չի տա Մոդրիչին և Կրոսին: Բայց, չնայած այս հարցերին, պետք չէ մտածել, որ մադրիդցիները չեն կարողանա դիմակայել մյունխենցիներին, քանի որ սա թիմ է, որտեղ խաղում են այնպիսի աստղեր, ինչպիսիք են Ռոնալդուն, Բենզեման և անկասելի Ռամոսը: Եվ, վերջիվերջո, սա Արքայական ակումբն է:

Մյունխենցիները, ամենայն հավանականությամբ, երկու խաղում էլ գոլ կխփեն: Այս մասին խոսում է վիճակագրությունը, խաղը պաշտպանությունում և Նավասի անվստահությունը վերջին խաղերում: Կարելի է ասել, որ, եթե մադրիդցիները Մյունխենից առանց գոլի հեռանան, ապա այս տարի Չեմպիոնների լիգայի գավաթը կրկին նոր տեր կունենա:

Այս ֆանտաստիկ խաղի արդյունքը՝ անկախ առաջին խաղից, պարզ կլինի միայն մրցավարի եզրափակիչ սուլիչից հետո, Ռամոսը երաշխավորում է:

Սիրարփի Աղաբաբյան