Սանկտ Պետերբուրգի մետրոյի կայարաններում պայթուցիկ չի հայտնաբերվել
ՌԴ Սանկտ Պետերբուրգ քաղաքի մետրոյի երկու կայարաններում` «Ելիզարովսկայա»ում և «Ուլիցա Դիբենկո»ում պայթյունավտանգ իրեր չեն հայտնաբերվել: Այս մասին հայտնում է ՏԱՍՍ-ը:
Երկու կայարաններն էլ փակվել էին ապրիլի 8-ի առավոտյան: «Ուլիցա Դիբենկո»ում իրավապահները կասկածելի իր էին գտել, որը, սակայն, ինչպես ցույց էր տվել ուսումնասիրությունը, որևէ վտանգ չէր պարունակում:
Ներկայում երկու կայարաններն էլ բաց են: Ռուսական մետրոպոլիտենները ապրիլի 3-ին Սանկտ Պետերբուրգի մետրոյում իրականացված ահաբեկչությունից հետո անցել են աշխատանքի խստացված ռեժիմի: Այդ ահաբեկչությանը զոհ էր գնացել 13 մարդ, տուժել էին ավելի քան 50-ը:
Իրավապահ մարմինները հայտնել էին, որ պայթուցիկը գործի է դրել մահապարտ ահաբեկիչը:
