«ՀԷՑ»-ը «Տաշիր Կապիտալ»ին վաճառելու հարցը կառավարության օրակարգում է
«ՀԷՑ» ՓԲԸ-ի 69,99 տոկոս բաժնետոմսերի վաճառքի գործարքը ներկայացվել է ՀՀ կառավարությանը՝ համաձայնություն տալու նպատակով: Այդ մասին հարցն ընդգրկված է կառավարության ապրիլի 6-ի նիստի օրակարգում:
«Լիորմանդ Հոլդինգզ Լիմիթեդ» ընկերությունը դիմել է ՀՀ կառավարությանը` սեփականության իրավունքով իրեն պատկանող «Հայաստանի էլեկտրական ցանցեր» ՓԲԸի («ՀԷՑ» ՓԲԸ) 69,99 տոկոս բաժնետոմսերը «Տաշիր Կապիտալ» ՓԲԸ-ին (Գնորդ) փոխանցելու մտադրության մասին:
ՀՀ կառավարության սույն որոշման նախագծով հաստատվելու է «ՀԷՑ» ՓԲԸ-ի 69,99 տոկոս բաժնետոմսերի սեփականության իրավունքի՝ գնորդին փոխանցման պայմանների համաձայնությունը և տրվում է լիազորություն ՀՀ էներգետիկ ենթակառուցվածքների և բնական պաշարների նախարարին` ՀՀ կառավարության անունից ստորագրել համաձայնությունը:
