Մխիթարյանը շնորհակալություն է հայտնել երկրպագուներին աջակցության համար
Հայաստանի հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանը շնորհակալություն է հայտնել երկրպագուներին աջակցության համար: «Շնորհակալ եմ շուտափույթ ապաքինման մաղթանքների համար: Դրանք ինձ շատ են օգնում»,- սոցիալական ցանցերում գրել է Հայաստանի հավաքականի ավագը:
Մխիթարյանը մկանային վնասվածք է ստացել ֆրանսիական «Սենթ Էթյեն»-ի դեմ Եվրոպայի լիգայի 1/16 եզրափակիչի պատասխան խաղում, որում խփել էր հաղթական գոլ: Վնասվածքի պատճառով Մխիթարյանը չկարողացավ մասնակցել Անգլիայի լիգայի գավաթի խաղարկության եզրափակչին, որում մանկունիանցիներն առավելության հասան «Սաութհեմփթոն»-ի նկատմամբ:
Your get well messages are really helping me with my recovery! Thank U 🙏 #mufc pic.twitter.com/v6zSmXanMI
— Henrikh Mkhitaryan (@HenrikhMkh) February 28, 2017
