Սիմեոնեն կմնա «Ատլետիկոյում»՝ անկախ մրցաշրջանում հասած արդյունքից
Մադրիդի «Ատլետիկոյի» գլխավոր մարզիչ Դիեգո Սիմեոնեն կաշխատի իր պաշտոնում նաև հաջորդ մրցաշրջանում: Այս մասին հաղորդում է AS-ը:
Համաձայն աղբյուրի տեղեկության՝ մայրաքաղաքային ակումբում արգենտինացի մասնագետի ճակատագրի վրա չեն ազդի թիմի արդյունքները: Գլխավոր մարզչի պաշտոնում Սիմեոնեի մնալը պայմանավորված չէ մրցաշարային աղյուսակի տեղով և Չեմպիոնների լիգայի արդյունքներով: Սիմեոնեի գործող պայմանագիրն ակումբի հետ ուժի մեջ է մինչև 2018թ. ամառը, և նա արդեն ասել է, որ չի պատրաստվում հեռանալ իր թիմից:
Ակումբի ղեկավարությունն իր հերթին՝ չի ուզում բաժանվել Սիմեոնեից, ով դեմ չէր լինի ուժեղացնել թիմը նոր ֆուտբոլիստներով: Սակայն «Ատլետիկոյում» չեն բացառում, որ ամառային տրանսֆերային պատուհանի ժամանակ թիմը նոր ֆուտբոլիստներ ձեռք չի բերի:
Պատրաստեց Անի Գաբուզյանը
