«Հայաստանի վարչապետի հետ հանդիպմանը խոսք չի եղել աբխազական երկաթուղու բացման մասին». Կախա Կալաձե
Հայաստանի վարչապետի հետ հանդիպմանը խոսք անգամ չի եղել աբխազական երկաթուղու բացման մասին։ Այսպես է Վրաստանի փոխվարչապետ, էներգետիկայի նախարար Կախա Կալաձեն պատասխանել վրացական ընդդիմության մեղադրանքներին, հայտնում է «Գրուզիա օնլայնը»։
Կլալաձեն արձագանքել է ընդդիմության հայտարարությանը, որի համաձայն՝ Հայաստանի վարչապետի այցը Վրաստան վերաբերել է հենց երկաթուղու աբխազական հատվածի բացմանը։
«Ընդդիմությունը շատ բան է ասում ու շատ է ստում։ Այդ մասին խոսք չի գնացել։ Այդ առնչությամբ կոնկրետ նախագծի վերաբերյալ քննարկումներ չեն եղել նաև կառավարությունում»,- հայտարարել է Կալաձեն։
