Զինված հարձակում Թուրքիայի պաշտպանության նախարարի ավտոշարասյան վրա
Թուրքական Քոջաելի նահանգում զինված հարձակում է տեղի ունեցել Թուրքիայի պաշտպանության նախարար Ֆիքրի Ըշըքի ավտոշարասյան վրա, հայտնում է թուրքական Cumhuriyet պարբերականը։
Տեղեկությունների համաձայն՝ Ըշըքը մի շարք հանդիպումներ է ունեցել նահանգի Դիլիվասե շրջանում, ինչից հետո ավտոշարասյունը շարունակել է ճանապարհը Դերինջեի ուղղությամբ։
Հենց այդ ժամանակ էլ հնչել են կրակոցներ անծանոթ ավտոմեքենայից ավտոշարասյան վերջին մեքենայի ուղղությամբ։
Ոստիկաններին հաջողվել է կանգնեցնել ավտոմեքենան։ Դրանում գտնվողները ձերբակալվել են ու տարվել ոստիկանություն։
