«Իմ կարծիքով՝ սա իմ 32-րդ տիտղոսն է». Զլատան Իբրահիմովիչ
«Մանչեսթեր Յունայթեդի» հարձակվող Զլատան Իբրահիմովիչը Լիգայի գավաթի հաղթական եզրափակչից հետո կիսվել է իր տպավորություններով: Շվեդ հարձակվողը 2 գնդակ խփեց Լիգայի գավաթի եզրափակչում և արտահայտեց իր գոհունակությունը կարիերայի անգլիական շրջանից:
«Սա թիմի աշխատանքի արդյունքն է: Ես եկել եմ այստեղ հաղթելու համար և հաղթում եմ: Ինչքան շատ եմ ես հաղթում, այնքան ավելի շատ եմ հաճույք զգում: Ինչքան ավելի ես մեծանում, այնքան ավելի շատ ես գնահատում դա: Ուր էլ որ ես գնում եմ, ես ամեն տեղ հաղթում եմ: Իմ կարծիքով՝ սա իմ 32-րդ տիտղոսն է: Ես ամեն ինչ այսպես էլ ենթադրում էի: Ես շարունակում եմ իմ գործը և հաճույք եմ ստանում Անգլիայից»,- ասել է Զլատան Իբրահիմովիչը:
Պատրաստեց Անի Գաբուզյանը
