Ռուսաստանը հանդես է գալիս Սիրիայի հարցով բանակցություններում քրդերի մասնակցության օգտին
ՌԴ ԱԳՆ ղեկավարի տեղակալ Միխայիլ Բոգդանովը հայտարարել է, որ Ռուսաստանը հանդես է գալիս միջսիրիական բանակցություններում քրդերի մասնակցության օգտին, հայտնում է RIA Novosti-ն։
«Մենք այն բանի օգտին ենք հանդես գալիս, որ մասնակցեն նաև այլ ներկայացուցիչներ։ Բավական սուր է դրված քրդերի ներկայության մասին հարցը։ Մենք այն բանի օգտին ենք, որ ներգրավվեն քրդերի ներկայացուցիչները»,- հայտարարել է Բոգդանովը։
Նրա խոսքով՝ Մոսկվան նույնպես հույս ունի, որ Սիրիայի ընդդիմությունը կստեղծի միասնական պատվիրակություն բանակցություններում։
Բոգդանովը բացատրել է, որ Ռուսաստանը մշտական շփման մեջ է Դամասկոսի հետ, այդ թվում՝ Սիրիայում անվտանգության գոտիների ստեղծման հարցով։
