Նոր էսկալացիա կլինի՞

«Ադրբեջանական կողմը ղարաբաղաադրբեջանական հակամարտ զորքերի շփման գծում նոր լարվածություն հրահրելուց առաջ փորձում է արդարացումներ ներկայացնել։ Բնականաբար, պարզվում է, որ Ադրբեջանի տեսանկյունից ամենաարդյունավետ տարբերակը հենց դա է՝ ադրբեջանական կողմը փորձում է քարոզչական նպաստավոր դաշտ ստեղծել նոր էսկալացիա սկսելուց առաջ։ Չեմ կարծում, որ խոսք կարող է գնալ լայնամասշտաբ պատերազմի մասին, բայց իրադարձությունները, որոնք համեմատելի կլինեն ապրիլյան պատերազմի հետ, բացառված չեն, հենց այդ պատճառով ադրբեջանական կողմը և՛ ներքին, և՛ արտաքին աուդիտորիայի համար իրեն արդարացնելու քայլեր է ձեռնարկում»,- «168 Ժամի» թղթակցի հետ զրույցում ասել է քաղաքագետ Սերգեյ Մինասյանը՝ անդրադառնալով վերջին օրերին Ադրբեջանի սկսած տեղեկատվական նոր քարոզարշավին։

Ըստ նրա՝ այն, ինչ տեղի է ունենում ՌԴ ջանքերով, բայց նաև ԵԱՀԿ Մինսկի խմբի ավելի լայն շրջանակներում, փորձ է՝ շփման գծում վստահության մեխանիզմներ ստեղծել։ Նրա վստահեցմամբ՝ խոսքը դեռ լուրջ բանակցային գործընթացի մասին չէ, որովհետև առանց այդ զրոյական կետի՝ հաջորդ փուլը՝ բանակցությունները, հնարավոր չեն։ Վերջինս բանակցային փակուղուց դուրս գալու ելք չի տեսնում։ Նրա կարծիքով՝ լավագույն դեպքում, միջազգային հանրության ճնշման ներքո կարող ենք առաջխաղացում ձեռք բերել շփման գծում վստահության մեխանիզմների կիրառման հարցում։

Ամբողջությամբ կարող եք կարդալ «168 Ժամ» թերթի այսօրվա համարում:

 

Տեսանյութեր

Լրահոս