Սիրիայում ռուս զինծառայողներ են սպանվել
4 ռուս զինծառայող է սպանվել և 2-ը վիրավորվել է Սիրիայում ավտոմեքենայի պայթեցման հետևանքով, հայտնում է ՌԴ պաշտպանության նախարարությունը։
«Փետրվարի 16-ին Սիրիայում ռադիողեկավարվող ֆուգասով ավտոմեքենայի պայթեցման հետևանքով զոհվել է 4 ռուս զինծառայող, ևս 2-ը վիրավորվել է։ Նրանց կյանքի համար պայքարում են ռուս ռազմաբժիշկները»,- ասվում է հաղորդագրության մեջ։
Սիրիական զորքերի ավտոմոբիլային շարասյունը, որին հետևում էր ռուս ռազմական խորհրդականներին տեղափոխող ավտոմեքենան, «Տիյաս» օդանավակայանից ուղևորվում էր Հոմս քաղաք։
