Ադրբեջանի բնակիչը հայտնել է Հայաստան տեղափոխվելու մտադրության մասին
Ադրբեջանի Լերիքի շրջանի բնակիչ Էլդանիզ Գուլիևը հայտարարել է Հայաստան տեղափոխվելու իր մտադրության մասին, հայտնում է minval.az-ը՝ վկայակոչելով բլոգեր Ազադ Կազիմովին։
Նա հայտնում է, որ Գուլիևը Facebook-ի իր էջում տեղադրել է հայտարարություն՝ ուղղված Ադրբեջանի նախագահ Իլհամ Ալիևին։
Իր հայտարարությունում Գուլիևը պատմում է այն մասին, որ Լերիքի շրջանի գործադիր իշխանության ղեկավար Ռովշան Բագիրովը բռնությամբ իրենից խլել է իր սեփական հողը։ Հուսահատված Էլդանիզ Գուլիևը հայտարարել է, որ նշված իրավիճակից միակ ելքը Հայաստան տեղափոխվելն է։
Ըստ նրա՝ Ադրբեջանում իր բողոքները «միևնույն է, ոչ ոք չի քննի»։
