Ֆրանսիայի ԱԳՆ ղեկավարը Ռուսաստանին մեղադրել է կիբերհարձակումների մեջ
Ֆրանսիայի ԱԳՆ ղեկավար Ժան-Մարկ Էյրոն Ռուսաստանին մեղադրել է երկրի նախագահի թեկնածու Էմանուել Մակրոնի կայքի ու էլեկտրոնային փոստի վրա կիբերհարձակումների մեջ։ Այս մասին ֆրանսիացի դիվանագետ հայտարարել է Journal du Dimanche պարբերականին տված հարցազրույցում։
«Բավական է նայել մեր թեկնածուներին՝ Մարին Լե Պենին կամ Ֆրանսուա Ֆիյոնին՝ Ռուսաստանը նախընտրությունը տալիս է Ֆրանսիայի նախագահական արշավին»,- հայտարարել է նա։
Նա ընդգծել է. «Կիբերհարձակումների է ենթարկվում Էմանուել Մակրոնը, որը եվրոպամետ թեկնածու է։ Միջամտության նման եղանակը Ֆրանսիայի դեմոկրատական կյանքին անընդունելի է, և ես այն մերժում էմ»։
Էյրոյի խոսքով՝ Ֆրանսիան թույլ չի տա, որ իր ընտրությունը արվի թելադրանքի ներքո։
Ավելի վաղ Մակրոնն անձամբ էր մեղադրել Ռուսաստանին ցանցահենային հարձակումների մեջ։
