Իրակլի Ալասանիան որոշել է բիզնեսով զբաղվել
«Ազատ դեմոկրատներ» կուսակցության նախկին ղեկավար Իրակլի Ալասանիան, որը 2016թ. հոկտեմբերի 10-ին Վրաստանի խորհրդարանական ընտրությունների հաջորդ օրը հայտարարել էր կուսակցությունից իր հեռանալու մասին, որոշել է քաղաքականությունը փոխել Վաշինգտոնում բիզնեսով։ Այս մասին հայտնում է «Գրուզիա օնլայնը»։
Իր ընտրությունը նա բացատրել էր խորհրդարանական ընտրություններում պարտություն կրելով։
Այս մասին նա հայտարարել է «Ազատ դեմոկրատներ» կուսակցության 5-րդ համագումարի ժամանակ, որտեղ ներկայացրել է կուսակցության նոր նախագահին։
Նրա խոսքով՝ Շալվա Շավգուլիձեն ամենաարժանի թեկնածուն է այդ պաշտոնի համար։
«Վստահ եմ, որ կգա ժամանակ, երբ խորհրդարանը կդառնա բազմակուսակցական, ու մենք կփոխենք ընտրական համակարգը»,- ասել է Ալասանիան։
Ալասանիան ստեղծել և ղեկավարել է «Ազատ դեմոկրատներ» կուսակցությունը 2009թ. հուլիսին։ 2014թ. կուսակցությունը դարձավ ընդդիմություն։
