Էրդողանը փորձել է փրկել իր թիկնապահին ավտոբուսի անիվների տակ հայտնվելուց
Թուրքիայի արևելքում՝ Էլյազըգ քաղաքում, դժբախտ պատահարի հետևանքով երկրի նախագահ Ռեջեփ Էրդողանի թիկնապահը հազիվ է փրկվել ավտոբուսի անիվների տակ հայտնվելուց, գրում է թուրքական Milliyet պարբերականը:
Թիկնապահը հայտնվել է ավտոբուսի անիվների տակ, որի սրահում այդ պահին գտնվել է Էրդողանը: Թուրքիայի նախագահի ավտոշարասյունը հեռանում էր քաղաքի կենտրոնից նրա ելույթից հետո, երբ տեղի է ունեցել դեպքը:
Էրդողանը անձամբ դուրս է եկել ավտոբուսից՝ տուժածին օգնելու համար: Պարբերականի տեղեկություններով՝ թիկնապահն ու Էրդողանը վաղուց են միմյանց ճանաչել:
Տղամարդը հոսպիտալացվել է տարբեր աստիճանի վնասվածքներով, նրա վիճակի մասին տեղեկություն չի հաղորդվել: 
