«Հաջորդ մրցաշրջանի հետ կապած որոշումը կընդունեմ մարտին, կամ ապրիլին». Արսեն Վենգեր

2 ամիս անց լոնդոնյան ակումբի երկրպագուների տանջանքները, հնարավոր է, կավարտվեն:

«Ե՞րբ ես կընդունեմ հաջորդ մրցաշրջանի հետ կապված որոշումը: Մարտին կամ, հնարավոր է, ապրիլին»,- Վենգերի խոսքերն է մեջբերում L’Equipe-ը՝ հղում կատարելով ZDF հեռուստաալիքին:

Ֆրանսիացի մասնագետի հարցազրույցը տեղի է ունեցել «Բավարիայի» հետ արտագնա խաղից առաջ, բայց լույս է տեսել միայն հինգշաբթի «Արսենալի» ջախջախիչ պարտությունից հետո (1:5): Պատասխան խաղը տեղի կունենա մարտի 7-ին, Լոնդոնում: «Արսենալը» 7-րդ անգամ անընդմեջ կարող է դուրս մնալ Չեմպիոնների լիգայի 1/8 եզրափակչից:

Պատրաստեց Անի Գաբուզյանը