ԱՄՆ-ն և Իսրայելը Իրանին հակազդելու համար աշխատանքային խմբեր կստեղծեն
ԱՄՆ-ը և Իսրայելը աշխատանքային խմբեր կստեղծեն մի շարք ոլորտների վերաբերյալ, այդ թվում՝ Իրանին հակազդելու ու Պաղեստինի տնտեսության զարգացման համար, հայտնում է Սպիտակ տան մամուլի ծառայությունը։
Որոշումը կայացվել է բանակցությունների արդյունքով, որոնք նախօրեին Վաշինգտոնում անցկացրել են Իսրայելի վարչապետն ու ԱՄՆ նախագահ Դոնալդ Թրամփը։
«Ղեկավարները իրենց թիմերին հրամայել են ձևավորել համատեղ աշխատանքային խմբեր կայանալիք ամիսներին, որպեսզի զգալի լավացնեն երկկողմ հարաբերությունները մի շարք ոլորտներում, այդ թվում՝ կիբերոլորտում, հետախուզությունում, անվտանգությունում, առևտրում, տեխնոլոգիաներում, Իրանից բխող սպառնալիքների հակազդմանը, ինչպես նաև արաբա-իսրայելական համագործակցության զարգացմանը, ներառյալ՝ տնտեսական համագործակցությունը»,- ասվում է հաղորդագրության մեջ։
Առանձին աշխատանքային խումբ կզբաղվի Պաղեստինի տնտեսության աճի նպաստմամբ, հայտնել են Սպիտակ տնից։
