«Կուսակցական հարցերը ես չեմ մեկնաբանում». Իգնատի Առաքելյանը՝ ՀՀԿ համամասնական ցուցակում չընդգրկվելու մասին
«Կուսակցական հարցերը ես չեմ մեկնաբանում, որովհետև կյանքը համակարգ է, և ես այսօր չեմ կարող ո՛չ մեկնաբանել, ո՛չ որևիցե ձևով պատասխանել ձեր հարցերին»,- այսօր կառավարության նիստից հետո լրագրողների հետ զրույցում հայտարարեց գյուղատնտեսության նախարար Իգնատի Առաքելյանը՝ պատասխանելով 168.am–ի հարցին, թե ինչո՞ւ նրա անունը չի ընդգրկվել ՀՀԿ համամասնական ցուցակում։
Հարցին, թե մասնակցելո՞ւ է քարոզարշավին, նախարարը պատասխանեց, որ ՀՀԿ քարոզին մասնակցելն այն է, ինչն ինքն արդեն անում է։ Նշենք, որ մինչ այդ Առաքելյանը ներկայացնում էր գյուղատնտեսության ոլորտում իրականացված և իրականացվող աշխատանքները։
Մանրամասները՝ տեսանյութում
