Կառավարությունը կհայտարարի անձնագրերի և նույնականացման քարտերի տպագրության նոր մրցույթ
Հայաստանի կառավարությունը հայտարարելու է կենսաչափական անձնագրերի և նույնականացման քարտերի տպագրության նոր մրցույթ: Այս մասին որոշումն ընդունվեց այսօրվա գործադիրի նիստում: Կառավարության աշխատակազմի ղեկավար-նախարար Դավիթ Հարությունյանը տեղեկացրեց, որ նախկին ընկերության՝ լեհական PWPW-ի հետ պայմանագրի ժամկետը լրացել է 2016 թվականի դեկտեմբերի 31-ին:
«Նոր ընկերությունը կընտրվի բանակցությունների միջոցով, ներկայացված լավագույն առաջարկի հիման վրա»,- ասաց Հարությունյանը:
