Բողոքի զանգվածային ցույցեր Փարիզում, ոստիկանությունը արցունքաբեր գազ է կիրառել

Փարիզում ոստիկանները արցունքաբեր գազ են կիրառել զանգվածային բողոքի ակցիաների մասնակիցների դեմ, որոնք հանդես են գալիս աֆրիկացի ներգաղթյալների նկատմամբ իրավապահների կոշտ վերաբերմունքի դեմ։

Տեղի ԶԼՄ-ների տվյալներով՝ Փարիզում կազմակերպված ցույցին մասնակցել են հարյուրավոր մարդիկ։

Որոշ ագրեսիվ ցուցարարներ այրել են աղբամաններ, ոստիկանության ուղղությամբ նետել են շշեր, քարեր։

Ի պատասխան՝ ոստիկանությունը կիրառել է արցունքաբեր գազ։ Բախումների հետևանքով նվազագույնը 2 հատուկ ջոկատային վիրավորվել է։