ԱՄՆ-ը ռազմական դաշինք է պլանավորում ստեղծել Իրանի դեմ. The Wall Street Journal
ԱՄՆ նախագահ Դոնալդ Թրամփի վարչակազմն ու արաբական դաշնակից պետությունները քննարկում են ռազմական դաշինք ձևավորելու հնարավորությունը, որն ուղղված է Իրանի դեմ ու Իսրայելին ապահովում է հետախուզական տվյալներով, գրում է The Wall Street Journal պարբերականը՝ վկայակոչելով Մերձավոր Արևելքի երկրներում աղբյուրներին։
Նշվում է, որ դաշինքի մեջ կարող են մտնել Սաուդյան Արաբիան, ԱՄԷ-ն, Եգիպտոսը, Հորդանանը։ Արաբական մյուս երկրները նույնպես կարող են միանալ դաշինքին։
Հակաիրանական համագործակցությունը կարող է ունենալ ՆԱՏՕ-ի համակարգերի տարրը, որը նախատեսում է երկկողմ պաշտպանություն՝ միության անդամներից մեկի վրա հարձակումը կընկալվի որպես հարձակում դաշինքի վրա։
Ներկայումս դաշինքի նախագիծը գտնվում է քննարկման փուլում։
