«ՌԴ-ի հետ երկխոսություն հաստատելու փորձերը ուժի դիրքերից անհեռանկարային են». Շոյգու
ՌԴ պաշտպանության նախարարությունը պատրաստ է վերականգնել համագործակցությունը Պենտագոնի հետ, սակայն Ռուսաստանի նկատմամբ ուժի դիրքերից երկխոսություն հաստատելու փորձերը անհեռանկարային են, այսօր հայտարարել է ՌԴ ռազմական գերատեսչության ղեկավար Սերգեյ Շոյգուն։
Այդկերպ է նա մեկնաբանել Պենտագոնի ղեկավար Ջեյմս Մետիսի խոսքերը, որը Բրյուսելում ՆԱՏՕ-ի երկրների ռազմական գերատեսչությունների ղեկավարների հանդիպմանը հայտարարել էր, որ ԱՄՆ-ն հանձնառու է վերականգնել հարաբերությունները Ռուսաստանի հետ, սակայն մտադիր է Մոսկվայի հետ խոսել «ուժի դիրքերից»։
«Մենք պատրաստ ենք վերակագնել համագործակցությունը Պենտագոնի հետ, սակայն ուժի դիրքերից Ռուսաստանի նկատմամբ երկխոսությունը վերականգնելը անհեռանկար է։
Այսօր Բաքվում Ռուսաստանի և ԱՄՆ-ի գլխավոր շտաբների ղեկավարներ Վալերի Գերասիմովի և Ջոզեֆ Դանֆորդի հանդիպմանը ակնկալում ենք Պենտագոնի դիրքորոշման բացատրությունները»,- ասել է նա։
