Թուրքիայում ևս մեկ կասկածյալ է ձերբակալվել Անդրեյ Կառլովի սպանության գործով
Անկարայի ոստիկանությունը փետրվարի 15-ին ևս մեկ կասկածյալի է ձերբակալել Թուրքիայում ՌԴ դեսպանի սպանության գործով, հայտնում է «Ազատություն» ռադիոկայանը՝ վկայակոչելով Թուրքիայի պետական լրատվական գործակալությանը։
Թուրքական իշխանությունները կարծում են, որ կասկածյալը հեռախոսազրույց է ունեցել մարդասպան Մերթ Ալթընթաշի հետ, որը 2016թ. դեկտեմբերի 19-ին գնդակահարել էր Անդրեյ Կառլովին։
Նոր կասկածյալը այդ գործով ձերբակալված 4 անձանցից մեկն է, որոնց թվում կան նաև ոստիկաններ։
